اخبار الازهر الشريف

هام… لأولياء الامور بعد فتح باب التقديم لمرحلة رياض الأطفال والصف الأول الابتدائي بالمعاهد الازهرية بأنواعها (العادية – النموذجية – الخاصة)

 

هام… لأولياء الامور بعد فتح باب التقديم لمرحلة رياض الأطفال والصف الأول الابتدائي بالمعاهد الازهرية

 

بإذن الله يتم فتح باب التقديم لمرحلة رياض الأطفال والصف الأول الابتدائي من 1 /6 /2021 حتى 31 /7 /2021 و لايتم أخذ ملفات من أولياء الأمور بالمعاهد إلا بعد قبوله من خلال التنسيق التقديم الإلكتروني

الأطفال الموجوده بمرحلة رياض الأطفال بيتم تصعيدهم للصف الأعلى لذلك على أولياء الأمور اللى أبنائهم مسجله بالمعهد عدم التقديم مرة أخرى على البرنامج لعدم حدوث أخطاء كما سبق

مايحتوى علية ملف التقديم 

 

 

 

رابط التسجيل إلكترونيا لكل من مرحلة رياض الأطفال والصف الأول الابتدائي بالمعاهد الابتدائية الأزهرية بأنواعها (العادية – النموذجية – الخاصة)

خطوات التقديم بالأزهر مثل خطوات التقديم بالتربيه والتعليم ولكن الازهر يختلف بان مصاريف الكتب الدراسيه لا تدفع فى بداية التقديم بعكس مدارس التربيه والتعليم يوم ٢٠٢١/٦/١سيتم فتح التقديم إلكترونى على موقع الأزهر الشريف حضرتك معاك شهر كامل تسجل فيه البيانات الخاصه لابنك سواء رياض اطفال او الصف الأول الابتدائي الازهرى حضرتك سجلت وقال لك تمت بنجاح كده الحمد لله اطبع هذه الصفحه من على النت ولو مش عايز تطبعها براحتك ولو مش عارف هتروح الى مكتبه ستجد التقديم هناك وهيطلع لك ورقه وانت وحظك مع صاحب المكتبه ممكن يأخذ منك ٥ جنيها وممكن ١٠ جنيها

ثانيا.- اطلع الى اقرب ستوديو تصوير وصور ابنك ٨ صور اسمها ٤×٦ وخلى الأستوديو يطبع اسم ابنك عليهم بحوالى ٢٠ جنيها ولو عايز توفر فى الفلوس صور ال٨ صور واكتب انت الاسم من الاسفل او من الخلف بالقلم الازرق هتقول ال٨ صور كتيره هقولك فى صوره على طلب الالتحاق وصوره على طلب الالتحاق الالكترونى وصوره للكرنيه الصحى وكل عام بناخذ صوره من الملف علشان التأمين الصحي لابنك كده ال٨ صور خلصوا اطمئن ولا تقلق

 

ثالثا حضرتك هتطلع على الوحده الصحيه وتقول انا عايز البطاقه الصحيه هتلاقيها فى حدود ٨٦ جنيها للصف الاول الابتدائى واقل طبعا للرياض الاطفال المستوى الثانى كجى ٢ واقل بكثير لو المستوى الأول كجى ١ كده تمام صور بقى البطاقه الصحيه من الداخل الصفحة الموجود بها الطوابع واسم ابنك يعنى اول صفحة صورها صورتين وخلى الاصل معاك احتفظ به ولو عايز تجعله فى المعهد مفيش مشكله

رابعا تطلع حضرتك على السجل المدني تطلع شهادة ميلاد حديثه ب١٥ جنيها وصورها ٥ صور علشان لو عايز صوره منها لأى مصلحة حكوميه ستجدها بسهوله

خامسا استحمل حضرتك ده ابنك برضوا هتصبر لحد ما تبان الأسماء المقبوله بالمعهد وتروح المعهد لقيت الاسم موجود فى المقبوليين بالمعهد تجرى على اول مكتبه تقول عايز ملف تقديم ازهر نركز شويه تقديم ازهر لان هناك مكتبات بتعطى ملف تقديم تربيه وتعليم تأخذ الملف الخاص بالأزهر وتذهب به الى المعهد يتم ملأ البيانات بمعرفة شؤون الطلاب بالمعهد وبمساعدتك ايضا ولصق صوره شخصيه على طلب الالتحاق وختمها من المعهد

سادسا اجمد شويه قربنا نخلص حضرتك هتأخذ طلب الالتحاق وابنك الكريم وتذهب الى التأمين الصحي سيتم الكشف عليه بأنه صحيح سليم ويختم لك طلب الالتحاق على انه لائق طبيا وعنده استعداد لتعليم

 

سابعا خلاص هنخلص اخر مشور لحضرتك ان شاء الله هتروح البوسطه(البريد ) وتشترى منها ب٥ جنيها طوابع وجنيه دمعة ثامنا تذهب الى المعهد وتسلم الملف وتطمئن على الملف بانه كامل من طلب الالتحاق وعليه الصوره وختم المعهد وختم التأمين الصحي ( ٢) شهادة الميلاد الاصل ومعاها صور منها (٣) صورة البطاقه الصحيه او الاصل وتكون عليها الدمغات الخاصه بها (٤) ال٥ اظرف ومعاهم الطوابع والدمغة (٥ )باقى اوراق الملف من البطاقه المدرسيه والاقرار بأن ابنك غير مقدم فى اى مدرسه او معهد اخر (٦) صورة بطاقة الرقم القومى لك ومكتوب عليها رقم التليفون بتاعك للتواصل واخيرا تأخذ ايصالا من المعهد بأنك قد قدمت الملف الخاص بابنك للمعهد حفظ الله أولادكم وثق تمام الثقه بأن أباك قد فعل مثلما تفعله انت مع أبنك وفقكم الله وسدد خطاكم لا تنسونا من صالح دعائكم بظهر الغيب

 

 
 

الأوراق المطلوبة

1- شهادة ميلاد كمبيوتر

2 -ست صور شخصية

3- بطاقة التأمين الصحي للطالب

رابط التقديم لرياض الأطفال والصف الأول الإبتدائي 👇

http://www.azhar.eg/education/form

قد تكون صورة لـ ‏نص مفاده '‏Sharif Al Azhar Al الأزهر الشريف الذهاب للصفحة (الرئيسية ترقبوا بدء التسجيل قريباً‏'‏

 
 

الوسوم
اظهر المزيد

بوابة الواقع

يحرص دائما على خدمة التعليم والمعلم والطالب الازهرى عمل محررا بمواقع وبوابات الكترونية عديدة لأنه فى قلب الحدث

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

خمسة × ثلاثة =

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock