التنسيقثانية عامة

تقليل الاغتراب والكليات والمعاهد الجديدة التى ستدخل التنسيق لأول مرة عام 2018 وموعد التحويل الجغرافي

 

تقليل الاغتراب والكليات والمعاهد الجديدة التى ستدخل التنسيق لأول مرة عام 2018 وموعد التحويل الجغرافى.

 
 
 

التعليم العالي: اتاحة التحويل الجغرافي الكترونيا بعد انتهاء المرحلة الثانية

 

اكد عادل عبد الغفار المتحدث باسم وزارة التعليم العالي أنه قام ما يقرب من 60ألف طالب قاموا بتسجيل رغباتهم حتى الآن في بداية اليوم الثاني للتنسيق، أضاف أنه لا يوجد مشكلة في تعديل الطالب لرغباته في حالة تغيير رأيه حتى اخر يوم في التنسيق يوم الجمعة القادمة.

 

أشار المتحدث باسم وزارة التعليم العالي أن مكتب التنسيق سيتعامل مع الرغبة الاخيرة للطالب، أضاف أن التنسيق الالكتروني يتم من خلال ادخال الرقم السري الخاص به، كما يمكنه أن يدخل من خلال جهاز الحاسب الالي الخاص به.

 

أوضح المتحدث باسم وزارة التعليم العالي أنه يمكن للطالب التحويل من منطقة جغرافيه الى أخرى ويتم ذلك من خلال الموقع الالكتروني ولكن عقب انتهاء المرحلة الثانية للتنسيق.

 

الكليات والمعاهد الجديدة التى ستدخل التنسيق لأول مرة عام 2018:

• كليتا الحقوق والتربية الرياضية (بنين وبنات) جامعة الفيوم.

• كلية علوم الملاحة وتكنولوجيا الفضاء جامعة بني سويف.

• كلية التربية النوعية بالنوبارية جامعة دمنهور.

• كلية الحقوق جامعة بورسعيد.


• كلية الحقوق (انتظام) جامعة دمياط.


• كلية الطب جامعة السويس.


• كلية الآثار واللغات فرع مرسى مطروح جامعة الإسكندرية.


• التربية النوعية فرع مرسى مطروح جامعة الإسكندرية.


• كلية الآثار جامعة دمياط.


• كلية الهندسة جامعة دمياط.


• كلية التربية للطفولة المبكرة جامعة المنوفية.


• كلية التربية للطفولة المبكرة جامعة الزقازيق.


• كلية الآثار جامعة الزقازيق.


• الكلية المصرية الصينية للتكنولوجيا التطبيقية جامعة قناة السويس.


• المعهد الفنى الصحى جامعة جنوب الوادى.


• المعهد الفني للتمريض جامعة كفر الشيخ .

– المعهد الفنى للتمريض جامعة الزقازيق


• هذا بالإضافة إلى الكليات والمعاهد الجديدة التى ستحصل على موافقة المجلس الأعلى للجامعات على بدء الدراسة بها قبل بدء التنسيق.

 
 
 
 

يعني ايه تقليل اغتراب؟

بعد ما المرحله الأولي والتانية تخلص هتلاحظ حاجة واضحة جدا

ان لنفس الكلية كل جامعة بتاخد من تنسيق مختلف

يعني مثلا مثلا طب اسكندرية من ٩٨.٥٪؜ وطب اسيوط من ٩٨.٤٪؜ وطب اسوان من ٩٨.١٪؜

فتلاقي طلبة كتير من اسكندرية راحت اسيوط. وطلبة كتير من اسيوط راحت اسوان

فتلاقي العيال كلها هتتغرب وكل واحد في كلية طب او هندسة او تجاره او او فبلده اصلا طب ليه يروح بعيد.

طب ايه الحل؟

الحل كان في تقليل الاغتراب

ببساطة كل كلية تخصص ١٠٪؜ من الاماكن اللي عندها لتقليل الاغتراب

اول ما تقليل الاغتراب يفتح بعد المرحله التانيه ويفتح تاني بعد المرحلة التالته كل طالب مغترب يقدر يقدم طلب يروح لاقرب جامعة ليه اللي هي النطاق أ حتي لو مكانش جايب مجموعه المهم انه اتقبل فكلية من نفس النوع فاي مكان فمصر

 

طب لو انا عندي مش جامعه واحده قريبه مني. لا عندي جامعتين او ٣ هعمل تقليل اغتراب ع انهو فيهم؟

 

متقدرش تعمل تقليل اغتراب غير علي الاقل فيهم فالمجموع بس

طب يعني انا هتقبل ١٠٠٪؜ ؟ 
لا للأسف مش ١٠٠٪؜ .. احنا قلنا ١٠٪؜ من الاماكن الفاضيه فالكلية جاهزه لاستقبالك. بس افرض في ناس كتير من نفس البلد بتاعتك عملوا تقليل اغتراب لنفس الكلية. وقتها هياخدوا اعلي ناس فالمجموع لحد ما الاماكن تتعبي. ولو لسه في ناس عايزه تقليل اغتراب للاسف هيترفض ويفضلوا بعيد.

اللي قلناه فوق ده اول نوع من تقليل الاغتراب. اسمه تقليل الاغتراب المناظر. يعني من طب اسوان لطب حلوان مثلا. من اداب اسيوط لاداب اسكندريه. مناظر. وهكذا

 

في نوع تاني اسمه تقليل الاغتراب غير المناظر. اراهن انك خمنت ده بيعمل ايه. ده بقي لو عايز تحول من اي كلية للكلية اللي تناسب مجموعك فبلدك بس. يعني شرط تكون جايب مجموعها. مش زي المناظر مش لازم. وممكن يترفض بردو لو مفيش مكان. بس بنسبه كبيره جدا بيتقبل زي ما قلنا. 

 

مثال.. من طب اسوان لصيدله اسكندرية

 

علشان كدا ضروري لو عايز كلية معينه تكتبها فكل المحافظات. لانه اكيد هتلاقي محافظه منهم مجموعها اقل ومناسب ليك. وممكن تتصرف فتقليل اغتراب مناظر. اما لو وصلت لمرحلة تقليل الاغتراب غير المناظر يبقي هتلتزم بمجموع كلية بلدك بس. لانك متقدرش تحول لغيرها.

 
 
 
 

الوسوم
اظهر المزيد

بوابة الواقع

يحرص دائما على خدمة التعليم والمعلم والطالب الازهرى عمل محررا بمواقع وبوابات الكترونية عديدة لأنه فى قلب الحدث

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

16 − أربعة عشر =

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock