أخبار عاجلة

كيف تصبح مدرس مشهور فـ 3 شهور

 

كيف تصبح مدرس مشهور فـ 3 شهور 

 

 

1-كلما كنت أكثر سطحية كلما أصبحت أكثر شهرة لأن 80% من الطلاب كفتة ومستواهم متوسط وأقل من المتوسط. 

 

2- خاطب قلب الطالب وليس عقله .

3- اجعل الطالب أسير فكرك وكن له الاب والام وأنور وجدي. 

4- اعمل للطالب كماشة وخليك لزقه لو غاب اتصل عليه ولو بطل ابعتله مع أصحابه أو قابله في الشارع واحرجه واتهمه بالخيانة وذل اللي جابوه بانك علمته كلمتين. 

5- قدم نفسك للطالب علي إنك إله اللغة عند الإغريق. وإن طلابك هم بس الأوائل. 

 

6- اقتل في طلابك التفكير ولا تشجعه علي طرح الأسئلة واجعله منبوذ بين الطلاب لأنه بيضيع وقت الحصة! 

7- احفظ المذكرة أو الكتاب اللي بتشرح منه واي كلمة خارجهم قول ليست مقررة.

8- لا تعطي رأيك في أي موضوع وخليك مايع ومتزعلش حد 

9- خليك بين طلابك أسد وبين أساتذتك فأر. 

 

10- احفظ كلمتين تنمية بشرية علي كام قول مأثور على كام بيت شعر وكن لهم قدوة شكلية

 

11-تجمع كذا مذكرة من ع النت وتضربهم في الخلاط وتخبط عليها اسمك

 

12- أول حصه افضل اتكلم إنجليزي حتى لو مش فاهم نفسك كده كده العيال مش هتفهم منك حاجه بس هتقول دا باينه امريكانى 

13- جمع كذا سؤال فزلكه وكل حصه اديهم للطلاب وقول اللي هيحلهم هطلعه رحلة لـ عكا
14- اعمل لنفسك لقب ( زى الاسطورة \ العملاق ….إلخ )

15- صاحب مدرسين المواد التانيه وافضل انفخ فيهم ، هيظبطوك

 

16- اعمل فقره للصور السيلفي مع الطلبة .. وينزلوها ع الفيس بعنوان “أحلي مدرس دا ولا ايه”

17- اعمل حجز للدروس عندك قبل ما الدروس تبدأ بشهرين وقول العدد اكتمل حتى لو مفيش غير ولاد اختك

 

18- اعمل امتحانات كتير حتى لو مش هتصححها ولا تشوفها…اضحك وهزر ٩٠ % من الحصة 

 

19- طلع علي كل عيل اسم دلع .. غيره هيجي عشان تدلعه

 

20- متنساش تاخد فلوس الدرس مقدم

 

21- الشرح يبقي سطحى ومايزدش عن 5 : 10 دقايق .. هيتقال إنك سهلت الصعب ياعبقري زمانك

 

22- هات المراجعه النهائية من النت أو الكتب الخارجيه وحط عليها إسمك

 

23- حط أسئلة كتاب المدرسة والورك بوك في مذكرة وقول إن دى أسئلتك وتوقعاتك

 

24- اعمل جروبات ع الواتس وغشش العيال وبعد كل امتحان اكتب الحمدلله الامتحان جه بالنص من الورق اللي انا عامله وخلي كام عيل من بتوعك يصيتوك

 

25- طلع رحلات وسيب الأولاد مع البنات واعمل مش واخد بالك

 

مبروووك بقيت اشهر مدرس وبقي عندك اكبر عدد من الطلاب

 
 
 
 
 

الوسوم
اظهر المزيد

بوابة الواقع

يحرص دائما على خدمة التعليم والمعلم والطالب الازهرى عمل محررا بمواقع وبوابات الكترونية عديدة لأنه فى قلب الحدث

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

12 − 1 =

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock