أخبار عاجلةاخبار الازهر الشريف

كارثة في 2025 بعد خروج حوالى 50٪ من المعلمين وموظفى المعاهدالأزهرية على المعاش. المحسوبيه والحلول لسد العجز البين

 

 

كارثة في 2025 بعد خروج حوالى 50٪ من موظفين الأزهر على المعاش. والحلول لسد العجز 

 

 

اصبح العجز في معظم المعاهد ظاهرة غريبة وخاصة في المرحلة الاعدادية الثانوية وهذه الظاهرة ستكون كارثة في 2025 بعد خروج حوالى 50٪ من موظفين الأزهر على المعاش والظلم بين وواضح في الانتدابات سواء من التنسيق او مديري المراحل أو التوجيه أو المدرسين نفسهم وخاصة بسبب المعارف والأعذار

ولنبدأ بالتنسيق وجميع ادارات التنسيق على مستوى المناطق تعلم جيدا بالكثافات والعجز في كل ادارة بل وفي كل معهد والاحصاءات المطلوبة ترسل عن طريق التوجيه والله اعلم ايه اللى بيحصل

والتوجيه هو اللى بيدفع التمن مع العلم ان به المظلوم وبه الظالم

المظلوم يسعى الى التغطية والظالم يعمل نفسه مش شايف الكثافات التى ببعض المعاهد

علشان كده المدرسين اللى بيطلعوا اكتر من مره انتدابات وفيه زملاؤهم في بعض المعاهد او معهدهم نفسه مطلعش

حقك القانوني اعمل مذكرة ضد التوجيه وبدون عداءات لان ك بتعدل وضع خطأ انت اللى بتدفع تمنه

نيجي بعد توزيع الخطة في الانتدابات نلاقي معظم المدرسين وخاصة المدرسات نشوف الاعذار والبحث عن المعارف للالغاء

هقولك المهم واللى جاي محدش عاد يقدر يحمي حد لانها اصبحت عملية حسابية

واللى عنده او عندها عذر في معهد نفس بلدها او البلد المجاورة فيه زملاء بيتراوح سفرهم يوميا من 20 الى أكثر من 100 كيلوا يوميا وممكن نذكر اسماء كمان ولكن اللى خد ع الراحة بيرفض التعب حتى لو جنب بيته

خد بقا اللى هيطبق في الايام المقبلة في المعاهد متعددة المراحل في مبنى واحد مش هيكون انتداب هيكون تداخل بينهم وتغطية العجز في التخصصات

ومتفكروش كتير العملية محسوبه عندك عدد مدرسين في تخصص معين وعدد حصص المادة بعد توزيع النصاب القانوني عليهم هيكون التداخل على باقي عدد الحصص فقط

اما المسافات البعيدة بين المعاهد نرفض بشدة موضوع 3 كيلوا دي والمفروض تحدد بركوب وصلة واحدة لا تزيد عن 10 كيلوا لان المرتب واحد سواء للسيدات او الرجال

واللى عندها عذر او اللى عنده عذر

هيا الاعذار مبتظهرش غير لما بيظهر انتدابات مع العلم ان لو اتعمل بدل سفر محترم هتلاقى كله بيحارب على اللى يطلع انتداب زي موضوع الحافز كده

فرجاء من الجميع قبل ما تطلب العدل لنفسك اعدل الاول مع مع غيرك ولا تسعى لراحتك فقط فطالب العدل معروف والساعى لمصلحته معروف

وفي الايام المقبلة تختلف عن الماضي والجميع عرف اللى ليه واللى عليه وان كنت صاحب منصب وتسعى لارضاء وراحة المعارف مع العلم اللى بيدفع التمن مدرس تانى اقولك خاف على نفسك اصل اللى انت بتريحه هيكون سبب تعبك او سبب خسارتك لمكانك

والاساتذة اللى بيخترعوا اعذار لو عندك عذر اعمل اجازة

والموضوع خارج الاعذار الخلقية والاعذار الطارئة التى تمنعه عن الحركة لمسافات بعيده

الافضل بلاش نتحاور للسعي الى الراحه علشان ربنا يباركلم في مرتباتكم

واما عن تغيير المرحلة بنلاقي التوجيه في احتياج شديد لمدرس او مدرسة من مرحلة اعلى او اقل ويفضل يستعين بيهم وممكن يكون انتداب كلى ولما المدرسين دول يطلبوا منهم الموافقة على تغيير المرحلة يرفضوا ويقولوا ان مفيش عجز

امال طلبته ليه للتغطية المفروض تكتب تخصص المدرس به عجز في المرحلة كذا ولكن المرحلة الاخرى اشد عجزا واحتياجا له وبكده يبقا خلصت نفسك من مأذق ورمتها على الاعلى

رجاء طوروا ولا تسيروا

والفرق بينهم كالعلاج والمسكن

 

 
 

 

الوسوم
اظهر المزيد

بوابة الواقع

يحرص دائما على خدمة التعليم والمعلم والطالب الازهرى عمل محررا بمواقع وبوابات الكترونية عديدة لأنه فى قلب الحدث

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

ستة عشر + 8 =

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock