أخبار عاجلة

صلاة رجل وهو يصلي صلاة عيد الأضحى وهو معتلي “العجلة” فى المحلة تتحول لكارثة أسرية.. التفاصيل والرد هنااا

 

صلاة رجل للعيد على عجلة فى المحلة تتحول لكارثة أسرية

 

تداول رواد مواقع التواصل الاجتماعي، صباح اليوم، صورة رجل وهو يصلي صلاة عيد الأضحى وهو معتلي “العجلة” الخاصة به، في مدينة المحلة بمحافظة الغربية.

الصورة أثارت جدلا كبيرا على مواقع التواصل الاجتماعي عقب دقائق من نشرها، وانتشرت بشكل كبير وسط تعليقات كثيرة غير مؤيدة لفعل الرجل فضلا عن السخرية منه.

 

وروت ابنة الرجل تفاصيل ما حدث مع والدها من أزمات ومشاكل صحية واجتماعية جراء نشر هذه الصورة وانتشارها بشكل كبير على مواقع التواصل الاجتماعي، قائلة: “أنا من مدينة المحلة الكبرى والدي كان بيصلي صلاة العيد في مساكن شركة مصر، وكان راكب العجلة بتاعته بيصلي عليها، وفي شاب صوره، حرفيًا احنا اتفضحنا أنا وإخواتي بسبب الصورة دي، ونزلت على شبكة أخبار المحلة، كلمنا الشاب اللي منزلها وحذفها، بعدها أحد المعارف لقيناه بيكلمنا بيقولنا دي نازله على المحلة مباشر”.

 

وأضافت: “احنا بنات وكلنا متجوزين وإخواتي حصل بينهم وبين أزواجهم مشاكل وغضبه في بيت أهلي عشان أهالي أزواجهم قعدوا يتريقوا ويضحكوا، وطبعًا حاجه تمس كرامتنا، حصلت مشاكل وحاليًا أخت من إخواتي واقفة على الطلاق بسبب الموضوع ده، وبابا ميقصدش يعمل حاجه زي دي، هو كان خايف العجلة تتسرق، كلمت الشاب اللي ماسك إدارة الصفحة بتاعت المحلة مباشر بس مردش وعملي بلوك”.

 

وتابعت: “للأسف المحلة صغيرة واحنا مش عارفين نشيل الصورة دي ازاي، والدي جاتله جلطة نصف جسمه الشمال مش بيتحرك بسبب الصورة من كتر التليفونات اللي جات من المعارف والقرايب والمشاكل اللي حصلت في بيوت إخواتي، واحنا في المستشفى من الساعة 4 بسبب اللي حصل”.

 الرد الشرعى لصلاة الرجل للنوافل ( السنن) على دابته اوراحلته

قريت خبر بخصوص الراجل اللي صلى على عجلته صلاة العيد ، أن بعد التنمر والتريقة على فعله جاله شلل وحصل لأهل بيته مشاكل.. وبغض النظر عن صحة ده، محدش فكر يدور على الحكم الشرعي للفعل ده.. شفناه مادة للسخرية اللي بقت أسهل حاجة دلوقتي وكلنا بنقع في براثنها للأسف .. كلنا بقى عندنا هوس الهاهاها
بس في حاجة اسمها حكم صلاة الرجل على دابته، في أحاديث أثبتت أن الرسول كان بيصلي على دابته اللي هي وقتها كان جمل أو حصان او اياً ما كانت، في غير الفريضة،واللي منها استنبط العلماء بالقياس حكم جواز الصلاة في الطائرة أو المترو أو الباخرة..

 

العجلة ينطبق عليها حكم الدابة اعتقد 
وصلاة العيد سنة مؤكدة مش فرض 
انا مش مؤهلة أجيز أو أحرم فعل زي ده وفي الأعلم مني
بس اللي اقصده بكل ده أن الحاجة اللي ممكن تشفها مادة للسخرية ممكن جداً تبقى مدعاة للسخرية فعلاً بس على حالنا أحنا 
أسهل حاجة نضحك
وصعب أوي نفكر أو نبحث أو نراعي مشاعر غيرنا 
ولا أبريء نفسي

 
 
 

 

 

هاشتاج
اظهر المزيد

بوابة الواقع

يحرص دائما على خدمة التعليم والمعلم والطالب الازهرى عمل محررا بمواقع وبوابات الكترونية عديدة لأنه فى قلب الحدث

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

5 + 3 =

انت تستخدم اضافة مانع الاعلانات

برجاء دعمنا عن طريق تعطيل اضافة مانع الاعلانات AdBlock , شكرا لتفهمك