أخبار عاجلة

رسالة شديدة اللهجة لـ وزير الأوقاف من خطباء وأئمة المساجد… انت بتحاول تتقمص شخصية إمام المسلمين.

رسالة شديدة اللهجة لـ وزير الأوقاف من خطباء المساجد… أولا وقبل أي شيء

اصدر وزير الاوقاف قرار بعدم اذاعة القران الكريم فى المساجد فى رمضان بدون سبب وبدون مبرر معلوم قرار غير مقبول وبدون منطق مفهوم فإذا كان رمضاننا بلا قرآن فانا انضم لحملة رمضان بلا قرآن وبلا وزير الاوقاف

ارسل السادة خطباء وأئمه المساجد فى مصر رساله شديدة اللهجه تعقيبا على تصريحاته بعدم اذاعه القرأن الكريم قبل اذان المغرب او الفجر

 

  بعد ما تصاعدت مطالب على مواقع التواصل الاجتماعي، بإذاعة القرآن الكريم من المساجد. وكان قد صرح جابر طايع، رئيس القطاع الديني بوزارة الأوقاف، قال إنه غير مسموح بإذاعة القرآن الكريم قبل صلاة المغرب في شهر رمضان من المساجد.

وصرح رئيس القطاع الديني بالأوقاف:المسموح به في المساجد خلال شهر رمضان هو أذان النوازل فقط وغير مسموح بإذاعة قرآن صلاة المغرب ضمن إجراءات مكافحة كورونا

وكان وزير الأوقاف الدكتور مختار جمعة، قد أكد أنه في حالة مخالفات تعليمات الوزارة بشأن تعليق الجمع والجماعات بالمساجد في التراويح أو غيرها،ستكون العقوبة إنهاء خدمة جميع العاملين بالمسجد إماما وعمالا وكل من قصر في عمله بما أسهم في وقوع المخالفة بلا أي تردد أو توان وبكل حسم.

وقالو ا …لما تصنف كل معارض ليك على إنه متطرف أو متشدد يبقى ده أصل التطرّف والتشدد.. أنا وكتير غيري وسطيين لأقصى درجة ومنفتحين يمكن أكتر منك بمراحل، وضد التطرّف والتشدد أيا كان شكله وطريقته.

ثانيا: إيه اللي مضايقك من قرآن المغرب علشان مش عايز توافق لحد دي الوقت على إذاعة القرآن قبل الأذان في المساجد في الصيام؟ إيه علاقة نفحات رمضان في الشوارع وصوت الشيوخ النقشبندي ومحمد رفعت وصديق المنشاوي وغيرهم اللي اتربينا وكبرنا على صوتهم، بفيروس كورونا وإجراءاته الاحترازية؟!.

ثالثا: إيه قصة إنك عايز تعين حارس على كل مسجد؟للدرجة شايف المجتمع المصري همجي ومتخلف ومتطرف ومتشدد؟ للدرجة شايف رجالتك في المساجد مش قد المسئولية؟ أمال ليه كنت مفهم الرئيس والحكومة إنك مسيطر على كل المساجد؟ أمال فين إحكام القبضة على المساجد؟.. هي علشان الناس بتقولك نعمل زي السعودية والصلاة تقام بالإمام فقط والنَّاس تسمع صوت الصلاة والتهجد والتراويح بدون مصليين تقوم تحط حارس على كل مسجد؟.. ما تناقش الناس براحة وهدوء وبشكل دبلوماسي وتمتص غضب اللي بيطالبوا بكده حتى لو مش هتنفذ الطلب؟.. ملكش في الدبلوماسية سيبها.

محدش قال لسعادتك ولا فهم حضرتك إن في الأزمات والمحن المفروض ينتقي المسئول كلماته، ويبرر قراراته بعقلانية وحكمة، ويتحدث للناس بنبرة هادئة تلامس شعورهم وإحساسهم وعواطفهم، ولا انت بتحاول تتقمص شخصية إمام المسلمين.

لو شايف نفسك عندك سوء إحساس علشان بقيت في المنصب بلاش تفكر إن البلادة شعور عام، لو انت بتعرف تنسى العلاقة بين الناس (مسلمين ومسيحيين) وبين نفحات رمضان وارتباطها الوجداني والفكري والروحاني، احنا مش بنعرف ننسى، بس بنصبر نفسنا بالحد الأدنى المتاح زي الإفطار على صوت القرآن في المساجد ومدفع رمضان، لكن تيجي وتلغي كل حاجة وأي حاجة بتربط الناس برمضان يبقى انت فعلا محتاج حد يقولك إلزم حدودك في الكلام والقرارات العبثية وكفاية فعلا لحد كده.

إلى السادة المحترمين في دوائر الحكم المختلفة: ألا يوجد بينكم من يقول لهذا الوزير: اسكت؟! عرفنا وحفظنا إن مفيش مساجد، وقبلنا بالوضع وقلنا قدر الله وما شاء فعل، خلاص بقى مش لازم كل يوم يفكرنا ويتكلم بطريقة مريبة وكأنه بياخد مرتبه من استفزاز الناس.

 

المصدر
facebook.com/groups
الوسوم
اظهر المزيد

بوابة الواقع

يحرص دائما على خدمة التعليم والمعلم والطالب الازهرى عمل محررا بمواقع وبوابات الكترونية عديدة لأنه فى قلب الحدث

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

ثلاثة + سبعة عشر =

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock