أخبار عاجلة

بالفيديوا | عاملة النظافة تقوم بعمل الجبس لأحد المرضى بمستشفى شبين القناطر العام (الشامله)

 

لوسمحت يااستاذ احمد لازم تعرض الفديو علشان المسولين وعلشان وزير الصحه يشوف الفساد ده حسبي الله ونعم الوكيل

 

اليوم الجمعه ١٠/١١/٢٠١٧ الساعه السابعه والنصف مساء من مستشفى شبين القناطر العام المعروفه لدي اهالي البلد بالشامله ذهبت انا وشخص مكسور القدم الى الاستقبال ووقفنا دقائق قليله ثم وجدنا عامل الاستقبال خارج من غرفه وفي ايده كوبايه شاي وقولت له عاوزين دكتور عظام نادى بصوت عالي يادكتوره فلانه لم اتذكر الاسم ثم دخل علينا عامل الاشاعه فقال له موظف الاستقبال مكسور وعاوز اشاعه قاله لا انا قفلت خلاص قاله معلش ده ابن خالتي

ذهبنا بالترولي انا والمريض وشخص كانا معنا الى غرفه اشاعه في قمه التكنولوجيا والنظافه جهاز اشاعه مبهر وعملنا الاشاعه العامل كان زوق جدا وبعدين قالي تعالا يا استاذ صور الاشاعه على التليفون قولتله لييه قالي مافيش افلام قولت ماشي وعديتها رجعنا الاستقبال تاني كانت الدكتوره شرفت بصت على الاشاعه وقالت شرخ اعملوا جبيره دخلنا جوه طرقه كبيره ومافيش حد .

قابلنا ممرضه من الي في الفيديو قالت اخرج هات شاش مافيش عندنا شاش قولت حاضر وخرجت جبت الشاش ورجعت اتصدمت لقيت عامله النظافه هيا الي بتحط القطن على رجل الراجل قولتلها هو مافيش دكتور قالت لأ قولتلها ولا في ممرضه يا حاجه بصت لي وسكتت دخلت الغرفه الي جنبها لقيت الممرضات قاعدين بيهزروا ويضحكوا قولتلهم لو سمحتوا محتاجين حد يعمل جبيره للراجل رده واحده قالتلي الست الي بره هاتعملهالوا احنا مالناش دعوه صورت وحبيت الناس تشوف ازمه الضمير الي الشعب كله وصلها.

 

الوسوم
اظهر المزيد

بوابة الواقع

يحرص دائما على خدمة التعليم والمعلم والطالب الازهرى عمل محررا بمواقع وبوابات الكترونية عديدة لأنه فى قلب الحدث

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

أربعة × 3 =

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock